20. 08. 02
posted by: Christian Muhmenthaler

Sait dr Pappe zue sim Sohn
hüt starte mr e neyii Tradition.
D Mamme wo an dr Türe stoht
waiss as jetzt e Gschicht afoht.
 
Nim dä Schal und gib mr d Hand
I entfiehr di jetz is Unihockeyland.
Ai Stadt, ai Liebi, ai Regio,
und zobe saisch mr, de willsch wieder go

Und in dr Nacht do tröimsch no lang
vo dr volle Halle und ihrem Gsang.
Möchtsch mol dert stoh wo alli andre stöhn
Lieder singe wo eso aföhn.

Im Rotschwarzwyye Baslergwand
Sin mir usser Rand und Band
Gumpe, Drummle, Lieder schreye,
Fahne schwängge, duregheie.

Rot, Schwarz, Wyss, unser Regio
Us alle Egge sin mir do ane ko.
Zäme stöhn mir hindedra,
mir sin eure 7te Maa.

Und fahre mir au no so wyt,
fir uns isch das e scheeni Zyt.
Basel Regio, egal wo hi.
UBR - mir liebe di!

20. 08. 01
posted by: Christian Muhmenthaler

Z Basel am mym Ryy,
jo dert mecht y syy!
Wäit nit d Luft so mild und lau,
und der Himmel isch so blau
z Basel, z Basel, z Basel am mym Ryy
z Basel, z Basel, z Basel am mym Ryy

Rotschwarz isch hütt d Farb
spiile uff ganz stargg
Renne (Gägner) d Buude-n-y
schiesse d Gool zum nögschte Siig
rotschwarz, rotschwarz, rotschwarz isch hüt d Farb
Basel, Basel, Basel Regio

dr Gegner isch grad gschoggt
wenn die ganzi Halle roggt
s'wärde d'Bei ganz lahm und schwer
dr UBR gwünnt eimol mehr
super Basel, super UBR super Basel, super UBR

20. 08. 01
posted by: Christian Muhmenthaler

Mir sin us Basel Stadt am Rhy,
a jedem Spiel sin mir drby,
wie e Stroos zien mir durs Land,
sin in jedre Stadt bekannt.

Und wenn mir unsri Fahne schwängge
und an nägste Sieg nur dängge
wenn de drummle ghörsch lut schloh
weisch Basel Regio isch hüt do
oo oo oo oo