E ganze huffe z trage...

19. 02. 12
posted by: Christian Muhmenthaler

E Märli zur Kantonale Usglichsinitiative wo in Baselland am 10.02.2019 leider abglähnt worde isch und nur de Gegevorschlag vom Parlamänt dure ko isch.

Es isch emol e Wald gsi,
wo ganz vieli Tierli zäme gläbt hän.
Bäre, Leue, Adler, Schof, Ross, fliegendi Fisch, Schwän, Widder und vieli meh...
und au e paar Schlösser hets im Wald gha, wo Ritter, Mönch und Hirte zum rächte gluegt hän.
Eigentlich hän si s alli rächt guet gha, d Sunne het an viele Ort immer wieder gschiene und de Wald und Fälder sin guet bewachse gsi.

Si sin sich au alli einig gsi, as d Laste wo so e intaggte Wald mit sich bringe und wo ufkömme, dass es au de schwächste vo Ihne no guet goht, jedes Tierli für sich trage soll. Quasi jedes ebbe grad so viel, wie as es für si Läbensruum brucht.

Doch d Ameise, die hän das nid so lustig gfunde. Jo, si sin jo scho e starggs Tier, wo e mehrfachs vo ihrem eigene Körpergwicht möge trage. Aber si fühle sich doch chlin ungerächt behandlet. Hejo, schliesslig gseht me se nid mol abbildet uf ihrem Wappe, will si eifach z klei isch und uf dr halbe Lilie gar nid gseh wird. Jo, ihre Huffe isch halt au nid dr grössti im Wald.

Aber drfür könne sy in däm ganz vieli vo ihne ufnäh. Jo, und will sy so viel sin, drum isch au d Last wo sie z trage hän im Verglich zue de andere Tier scho einiges grösser. Do hän die Ameise aso scho rächt.

Drum wünsche sy sich ame e paar hälfendi Händ, Huefe oder Schultere, wo ihne mithälfe und d Laste chli gerächter verteile.

Jo, au mir vo dr EVP sin dr Mainig, as me d Laste gerächt sott verteile. Drum sage mir 2 mol JO zur Usglichsinitiative.